الأحد , يوليو 3 2022

الاستثمار الحقيقى هو تعليم أولادنا التعليم الصحيح .

1

بقلم : “رشا سعد”
الإستثمار الحقيقي هو تعليم أولادنا التعليم الصحيح…..
في أسئلة كتير بنسألها لنفسنا عن معني الجملة ده زي
هو ايه التعليم الصحيح؟ وهل كل ما هو غالي هو التعليم الصحيح؟ وهل كل ما هو شكله كويس هو التعليم الصحيح؟ وهل كل ما هو international هو التعليم الصحيح؟
احنا في مقالنا ده هانوضح لحضراتكوا ايه هو فعلا التعليم الصحيح اللي لازم كلنا نركز علية عشان نقدر نخلي أولادنا علي الطريق الصحيح اللي ان شاء الله هيساعدهم في المستقبل علي النجاح علي المستوي الشخصي والمهني.
عشان نقدر نوضح التعليم الصحيح لازم كلنا نسأل نفسنا عن ايه الهدف اللي بنعلم أولادنا عشانه واللي في الغالب اجابته عند معظمنا هو “النجاح في الحياة بوجه عام” يعني علي المستوي المهني والشخصي ونتيجة أبحاث كتيرة حصلت عن أسباب نجاح الشخص بوجه عام كانت هي:
1- الشخصية: ومعني الشخصية هنا ما تحتويه من قيم ومبادئ ومهارات وطرق تفكير منطقية واللي تصرفات أي شخص وقراراتة بتكون نتيجة لكل النقاط ديه مجتمعه.
2- اللغة الإنجليزية: ومعني اللغة هنا هو ان الأولاد يوصلوا لحاجتين مهمين وهم الطلاقة في الكلام والنطق الصحيح.
معني كدة اننا فعلا محتاجين نركز جدا في مرحلة ما قبل الجامعة وخصوصا في سنين التعليم الأساسي علي أن نصل بأولادنا الي أفضل مرحلة ممكنة من النقطتين دول و اللي فعلا هيوصلوهم لهدفنا من تعليمهم واللي هو نجاحهم في الحياة بوجه عام علي المستوي المهني والشخصي واللي هيجنبهم معاناة كتيرة ممكن يكون كتير مننا اتعرض ليها.
وطبعا أفضل الطرق في تطوير أولادنا في كل ده هي الممارسة العلمية والعملية والتعليم عن طريقها
فلذلك كل اللي احنا محتاجين نركز عليه عشان نعلم أولادنا بشكل صحيح هو المكان اللي يطورهم ويعلمهم الحاجات دي بالتحديد..
هنكمل لحضراتكم إزاي نعلم أولادنا صح في المقالات القادمة …
فتابعونا …..

شاهد أيضاً

أين فضيلة التواضع والتسامح والغفران أيوه الكاهن

كان احد الزملاء ارسل فيديو لكاهن بيحكى انه غضب من زوح سيدة حاول ان يصلح …