جريدة الأهرام الجديد الكندية 
مقالات مشابهة
دايماً بسمع كتير من الشباب يقولك أنا ضاع من عمري كتير ولسة موصلتش لأي نجاح في حياتي !! حبيبي أنت سنك قد ايه علشان تقول كده ؟! يمكن علشان أختلاف المفهوم الخاص بالنجاح عند كل الواحد عن التاني في اللي شايف أن النجاح يعني شركة كبيرة جداً ودخلي في الشهر برقم وجنبه 6 أصفار علي الأقل وفي اللي يشوف النجاح أنه عبارة عن كتاب ينزل في المكتبات ويبقي الأكثر مبيعاً best selling مع أن دائماً النجاح ممكن يكون حاجات تانية كتير .
⟪دكتور أشرف حمدي⟫ كثير من اللي بيحبوا الكرتون والكاريكاتير سواء كان مشاهد أو حد نفسه يتعلم الفن ده فأكيد بيتابعه .
دكتور أشرف بالرغم من أنه دكتور أسنان ده المفروض يدوله دكتوراة في رسم الأبتسامة.
ببساطة من كتر ما الراجل مقتنع أن الرسم اللي هي موهبته اللي ربنا ادهاله هتكون هي السبب الرئيسي في نجاحه بقي صاحب قناة إيجبتون – Egyptoon اللي تعتبر من أشهر القنوات علي اليوتيوب علي مستوي مصر علشان محتواها اللي يعتبر متميز وليها جمهورها اللي بيحبها.
السؤال اللي بيطرح نفسه دلوقتي هو ليه متصدقش موهبتك وتقتنع أنها هي اللي هتكون سبب نجاحك في يوم من الأيام ؟؟.
نجيب محفوظ أول قصة كتبها في حياته كان خلاص داخل علي سن الأربعين ولكن بسبب أنه صدق موهبته بقي نجيب محفوظ صاحب الأعمال الأدبية اللي بتترجم لأكتر من لغة واللي حصل علي جائزة نوبل في الأداب عام 1988 وأمثلة كتير أوي لما صدقت حلمها وصلتله ونجحت في حياتها.
علشان كده أمشي دائماً ورا حلمك وموهبتك هتكون هي السبب الأساسي فعلاً في نجاحك.
