الجمعة , مارس 29 2024

ذكــري كنيــــسة الـقـــديــســين..دماء بـــــلا ثــمــن .

الدم بقى ببلاش حتى أسألوا كل الناس
لكل واحد ديه بس النــاس هنا أجناس
مش مهم اللى مات بس يكون غيرهم
ومش مهم أنسانيته بس يــكون منهم
مش مهم ولاده اللى فى الــــــــــبيت
مستنين دخلته بس خـــــــلص الزيت
يـــــــــــاخد ولاده على حِجْر المحــبة
يـــحضن يبوس بـــــــــــشوق ولــهفة
جايب لبنته عــــــروسه ليوم نجاحـها
ولأبنه ســـــاعة عشان يكمّل فرحــها
هو تاجر ذهـب بس قلبه دهــب
ياخـــــــساره على العمر اللى تنهـب
كــــــــــام واحد زيك حيموت شــهيد
وكل واحـــــــــــد فيهم يقول دا عـــيد
الـــــــــــروح بقت رخيصه ببــلاش
فـــــــــــــــــلان راح كـــأنه ماجاش
الـــــبنت بتصرخ يابابا رايح فـيــن
والـواد واقف دموعه تجرح الـــعين
واحـــــنا م الهم واقفين مصــدومين
عـيونا فوق للسما وبعدله راضــيين
راحــت القديــسين وقبلها بلد السّواح
خـــلاص بقتى يابلد ســـداح مـــداح
دمــنا بقى أقــــل مــــــــــن التراب
مـــا بــقـــــاش لينا فيكى احـــــباب
مــــــش حتكون أخــــــرهم ياإميل
لازم حـــتلاقى فى السما ليك زميل
أمــــــه مستنياه فى نهاية الــــــعام
محضراله سمــــــــك للـــــــصيام
بـــــــــــــس طالت الغيبه ومجاش
اطلعى طلى فى البرد الـــــرعاش
اهيه نـــــــاس جايه ومعاها الخبر
ابنك إبنك راح شهيد بإيد غــــجر
متبكيش ولا دمــــــعه من العين
وخلى حزنك قاعد مـــــــدفون
شيلى هدوم العيـــــــــد شيليها
واوعــــــــــى الذكرى تدفنيها
بــــــكره تاخدى العزا وتفرحى
ابنك موجود وعايش فى السما
طــــــــــيور بتندبح وتموت بلا ثمن
بس الطيور بفلوس وإحنا ملناش تمن

بقلم : نشأت عدلى

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.