جريدة الأهرام الجديد الكندية 
مقالات مشابهة
عمرو أديب: “الأجهزة الأمنية حمت توفيق عكاشة من العيال بتوع خيرت الشاطر لمدة أسبوعين” علّق الإعلامي عمرو أديب، على التصريحات التي أدلى بها توفيق عكاشة مؤخرًا قائلا إن “عكاشة ابن الأجهزة الأمنية المُدلل، وفي كل مرة يتم التسامح معه برغم الأخطاء التي يرتكبها”. وأوضح أديب، في برنامجه “القاهرة اليوم”، مساء الاثنين، “يوم ما جاء العيال بتوع خيرت الشاطر ياخدوا توفيق عكاشة من مدينة الانتاج، وهرب في عربية حياة الدرديرى، جهاز سيادي راح شاله هو وحياة الدرديري وحطهم في مكان آمن لمدة أسبوع، هو ابن الأجهز المدلل، هو سب وزير الداخلية وسب رئيس الدولة ورئيس المخابرات، وفي كل مرة يتم التسامح معه أنا مش بقول إن ده صح ولا غلط يعني ميجيش عكاشة يكلمنا عن دور الاجهزة النهاردة”. وتابع أديب “عكاشة هاجم عباس كامل مدير مكتب الرئيس، طيب ماشي يا عم أنت ضد طُغيان عباس كامل بتاع الرئاسة وكده، ويقولك لمه اتقبض عليا بعت له رسالة ومردش عليا، طيب، وأنت كلمت عباس كامل ليه، ده أنت بتقول إنه ظالم”. واستكمل أديب حديثه: “هو توفيق عكاشة لمّا الأجهزة تبقى حلوة معه يبقى حلو معاها، ولمّا الأجهزة متسمعش الكلام وميعملوش اللي هو عايزه تبقى وحشة”. وتابع “أنتم متخيلين إن أنا عمرو أديب أقدر أعمل رُبع اللّى بيعملوا توفيق عكاشة أو اتكلم ربع اللّي بيتكلموا عكاشة، والمشكلة إن كل البلد بتصدقها وبتعديها، عايز يبقى رئيس برلمان وهو بيأكد إنه بياخد تمويل أجنبي، وإنه زعلان إن التمويل وقف، كنُا هنجيب رئيس برلمان بتموله جهة أجنبية وزعلان.. يا جماعة ده أي عيل في 6 أبريل برقبتك”. واختتم عمرو أديب قائلا “وكل شوية الدكتور النائب ولا دكتور ولا حاجة ده مش بيعرف كلمتين إنجليزي، دكتور من جامعة ايه؟.. يا ابن الحلال يا إما انت ابن الجهاز، يا إما أنت مش ابن الجهاز، أنت نفسك زعلان وبتقول (خدوني لحم ورموني عضم.. أمن الدولة استغلوني وقت الإخوان)”.
https://www.facebook.com/QAlYoum/videos/1207490782594302/
