الإثنين , أبريل 22 2024
حبيب عبد النور

أصحاب مجيدة 25 يناير .

بقلم حبيب عبد النور
كفاية خراب ووقف حال لحد كده شبعنا من كلامكم المسموم اتفرجنا علي دولارتكم وعربياتكم
وتدريباتكم خارج حدود الوطن … لا عجبكم رئيس ولا جيش ولا شرطة ولا حكومة ولا اي شئ
ولا هيعجبكم غير نفسكم ومصالحكم ودولارتكم وبس
روح اشتغل وساعد اهلك ونفسك بدل الثورة والخيابة اللى صدروها لنا الغرب لخراب البلد ارحمونا ربنا يهديكوا قرفنا …..،
اهدافكم و نواياكم واضحة جدا من خلال افكاركم اللى بتتحاملوا بيها جدا على الجيش اللى انتم بتختذلوا فيه الدولة كلها وبتحملوا الجيش كل المشاكل و المسؤوليات …
طبعا بعترف اننا عندنا مشاكل ومشاكل كتير منها صعبة ومؤلمة كمان بس كمان كلنا لازم نعترف اننا كشعب جزء كبير من هذه المشاكل …
احنا وحشين جدا فى حق بعضنا بنحتكر السلع وبنرفع الاسعار وبنخفى منتجات لحساب منتجات تانيه ومتعملوش فيها من بنها وتقولوا لاء …
اللى عامل فوضى فى الشارع مش السيسى والموظف اللى بيرتشي مش السيسى والظابط اللى بيسئ استخدام سلطته مش السيسى و…و…. الامثلة دى لا نهاية لها …
حكاية السجون والمعتقلات دى قديمة اوووى ومحروقه كمان ايه المطلوب يتعمل لما تمسك ارهابى ولا بلطجى ولا صاحب فكر هدام ولا حتى حرامى؟ نحجزله فى سمراميس ولا فى الساحل الشمالى؟
كنا بنشوف بعنينا كل يوم من يدعون انهم طلبة علم فى الجامعات المصرية المختلفة وهم بيولعوا وبيحرقوا وبيخربوا !!
كل يوم تفجير وشهداء فى كل انحاء مصر …،
تبقى ظالم اوى لو ما اعترفتش ان الموضوع ده بقى فى ادنى مستوياته
متكلمتش ليه عن نجاحات اتحققت ولمسنا اثرها زى العيش والتموين والبوتجاز والبنزين والسولار و..و….
ونجاحات تانيه اثرها لسه بيتحقق وقدامها وقت —وده الطبيعى— على ما يظهر بكامل صورته
مش عاجبك العسكرى اللى بيقدملك لقمه تاكلها بسعر كويس فى ظل جشع التجار؟وكمان مش عاجبك العسكرى اللى واقف بسلاحه على الحدود بيامنك وانت هنا بتسخر منه !
السيسى مش ساحر ولا غيره كمان ساحر والبلد تركتها تقيلة جدا فقر وبطالة وصحة وتعليم وحاجات كتير اوووى ….
كل ده مهم يتحل بس الاهم تكون فيه ناس بتحب البلد بواقعية وصدق ناس عاوزة تعمر وتبنى مش تخرب وتدمر …
كفاية خراب ووقف حال لحد كده كفاية شبعنا من كلامكم المسموم اتفرجنا على دولاراتكم وعربياتكم و تدريباتكم خارج حدود الوطن
لا عاجبكم رئيس ولا جيش ولا شرطة ولا حكومة ولا اى شئ ولا هيعجبكم غير نفسكم ومصالحكم ودولاراتكم وبس
ارحمونا يمكن ربنا يرحمكم
ولامؤاخذة …..
تحيا مصر وجيش وشرطة وشعب مصر …

شاهد أيضاً

الكنيسة القبطية

المسيحيةُ العابرة ..

المسيحية قامت على كلمة الكتَاب المقدس ووحي الروح القدس في فهمها وعيشها. المسيحية انتشرت على …

تعليق واحد

  1. بالتوفيق الدائم حبيب بك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.