الثلاثاء , أكتوبر 4 2022
هشام بدوى الدسوقى

متضامن مع أحمد مالك وشادى حسين يا من تكيلون بمكيالين .

البنت اتعرت من عساكر وسط آلاف حواليها وملايين شافوها على التلفزيون ومحدش حيائه اتخدش، وقالوا ايه اللى وداها هناك
لما كل يوم كان يتصبع للثوار قدام شاشات العالم كله من عساكر الداخلية والجيش محدش حيائه اتخدش والموضوع عدى عادى
لما سوسته البنطلون اتفتحت للرجالة والنسوان اللى بيتظاهروا محدش حيائه اتخدش .
لما عملوا كشوف العذرية لبنات فى سن بناتكم محدش حيائه اتخدش .
لما حطوا صور الشهداء اللى ضحوا بحياتهم علشان احنا نعيش عيشة نضيفه محدش حيائه اتخدش .
لما مبارك وكل نظامه راحوا يستجموا ويغيروا جو فى بورتو طرة محدش حيائه اتخدش .
لما رائد شرطة كان بيقدم القهوة لأحمد عز وهو بيتحقق معاه محدش حيائه اتخدش.
مبارك فى قفص الاتهام لابس بدلة مستوردة وبيشرب شاى او نسكافيه والمفروض انه بيتحاكم محدش حيائه اتخدش .
لما مرتضى منصور يطلع يشتم فى الفضائيات فى كل الناس محدش فيكم حيائه اتخدش .
لما شاب يقعد فى السجن على ذمة الحبس الإحتياطى سنتين علشان لابس تيشرت مكتوب عليه لا للتعذيب محدش حيائه اتخدش .
لما انضحك عليكم من عبعاطى كفته وفضلتوا تضحكوا على نفسكم لما الحقيقة ظهرت وطلع الموضوع نصب محدش حيائه اتخدش .
لما واحد غلبان يفترى عليه من الداخلية ويتقتل فى القسم محدش حيائه اتخدش .
لما ضابط ربط سواق تاكسى فى باب العربية محدش حيائه اتخدش .
لما ضابط يهين بنت ويجبرها على خلع ملابسها فى قسم الشرطة محدش حيائه اتخدش .

لما حطوا صور الشهداء اللى ضحوا بحياتهم علشان احنا نعيش عيشة نضيفه على الجزم محدش حيائه اتخدش

دى حاجات قليلة جدا جدا انا افتكرتها دلوقتى ولو حاولنا نكتب كل حالات خدش الحياء مش هيكفينا مجلدات
حيائكم بدون حياء على فكرة ياللى بتكيلوا بمكيالين
انا متضامن مع
‫#‏احمد_مالك‬
‫#‏شادى_حسين‬

شاهد أيضاً

كلمة لا بد منها

فجأة انطلقت الأصوات منددة بتمثال شامبليون بالكوليج دي فرانس الذي يسيئ للحضارة المصرية والمصريين ومطالبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *