الجمعة , مارس 29 2024
هند هيكل

مفاجأة بالصور : حفيدة هيكل المزيفة “عبد الرحمن راضى مزيف جديد”

كشف ناشط حقيقة حفيدة محمد حسنين هيكل المزيفة حيث أكد أحمد سوان ، قائلا ماكنتش أتمنى إن الموضوع يوصل لكده، بس حابب أتكلم في نقطتين مهمين من فضلكم.
صحفية الفن بأحد الصحف  هند محمد عبدالرحمن هيكل الشهيرة بهند هيكل، بتدعي أنها حفيدة الراحل محمد حسنين هيكل، وبتشير شغلها الصحفي على صفحتها تحت هاشتاج حفيدة هيكل، ومن هنا بدأت مواقع إخبارية عديدة بتاخد تصريحات منها عن حسنين هيكل، وبالأخص من 5 أيام لما انتشرت شائعة وفاته.
النهاردة لما توفي حسنين هيكل، جريدة الوطن نقلت على لسانها تصريح تحت عنوان حفيدة هيكل تؤكد وفاته، وكمان عملت مداخلة مع قناة أون تي في النهاردة والمذيع بيسألها عن حياته الأخيرة أثناء فترة مرضه وأسرته بتتمني من الحكومة تعمل ايه، بس هي عشان مش حفيدته معرفتش تقول حاجة، والمذيع نهى المكالمة خلال 3 دقايق، ونيجي بقى للمشكلة الأكبر ان حسنين هيكل كان موصي أسرته أنه جنازته تخرج من مسجد الحسين، يعني معروف مكان الجنازة من قبل ما يموت هيبقى فين.. هي بقى قالت في تصريحات النهاردة حوالي الساعة 2 كده إن لسه محددناش مكان الجنازة.
وفي تصريحات كمان لجريدة الاهرام وبتقول ان سبب وفاته أنه أخد علاج عن طريق الخطأ!!!
انا بقى كنت كاتب بوست على الجروب من شوية، بقول أنها مش حفيدته استنتاجا من ويكيبديا وتصريحاتها المتناقضة. بس مسحته عشان كلمتها وقالتي امسحه فأنا احترمت رغبتها، تقوم جريدة الوطن اللي واخدة منها تصريح بتأكيد الوفاة، تسرق البوست بتاعي وتنزل خبر جديد وبتكشف نصب هند هيكل وأنها مش حفيدته!!
وكمان بعد نقاش مع هند هيكل لمدة ساعة، اللي قاعدة في بيتها ومحضرتش الجنازة والدفنة، عملتلي بلوك!!!
بس مش مشكلة، العيب برضه مش عليها، العيب على الصحافة والاعلام اللي بياخدوا تصريحات من أي حد بيقول أي حاجة، زي الشيخ عبدالرحمن راضي بتاع ماليزيا وسوهاج كده بالظبط.
مرفق  البوست السابق اللي انا مسحته بناء على رغبتها واحد التصاريح
وكمان متنسوش تتفرجوا على هند هيكل بكرة ع صدى البلد عشان هتطلع تقول أي كلام بكرة بس للأسف مش عارف الساعة كام بالظبط ، وهي قالتلي كمان أنها قالت لإعداد صدى البلد حسب مواعيدي وتشوف، ده طبعا زي ما قالتلي في الشات قبل ما تعملي بلوك

 المدعوه هند هيكل
المدعوه هند هيكل

2 3

شاهد أيضاً

الكنيسة القبطية

نياحة القمص ويصا باقى كاهن كنيسة الشهيد العظيم مارجرجس والقديس العظيم الأنبا إبرام زاوية الناعورة – المنوفية

يطلب رهبان دير القديس العظيم الأنبا باخوميوس( الشايب ) بالأقصر نيافة الحبر الجليل الأنبا إقلاديوس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.