الجمعة , مارس 29 2024
مدحت عويضة

مدحت عويضة يكتب : فاكسات مهاجر

السيسي

******

ارحمنا بقي وشوف

ديك مين في رجالتك

بيسند ديك

مرتضي منصور.

أر دوغان

***********

قنبلة في أنقرة وعشرات

القتلي والجرحي

قولنالك يا حرامي الجاز إللي

بيربي تعبان هيلدعه

حازم إمام

**********

مرتضي بيقولك عملت

عزاء لأبوك في النادي.

قوله أنا وأبويا وجدي إللي عملنا

الزمالك ورجلينا خدمت النادي

أكثر منك..

الحبيب الجعفري

******

اخيرا بتدعوا لزيارة القدس

طيب تصدق يا أخي

ولا ليك عليه يمين

أنا بقول كدة من

زمان لأنه مافيش فايده

حسنين هيكل

***********

وداعا أخر فراعنة الصحافة

المصرية وداعا أستاذ الصحافة

الإخوان

***********

هو كل ما حد يموت تشمتوا فيه

لا شماتة في الموت يا خرفان،

هو إمتي العيد علشان نخلص؟؟

بطرس غالي

*********

ربنا يرحمك بيقولوا أنك كنت

أكثر مكرا من السادات كان

لما بيحب يشكرك يقولك

“تسلم يا غالي” فترد “صعب ياريس”

أمنة نصير

******

بتقولي النقاب شريعة يهودية وليس إسلامية..

انا برضة كنت شاكك من زمان

وحياتك قولي علي باقي

الشرائع اليهودية وإللي فاكرينها إسلامية

وزير الداخلية

**********

عايزين نشوف حل في انتحار المجندين

الأقباط لا نقدم الجناة للمحكمة

لا نقدمك لطبيب نفساني،

علشان لو فاهم اننا مصدقين

حكاية الانتحار دي تبقي أتجننت.

دول الخليج

**********

  الريس قال لكم مسافة السكة

تاني أهو، خلي عندكم

دم بقي في 15-20 مليار

دولار دي كلمة تستاهل كتير…

حسوا بقي.

دار الإفتاء

******

    أفتيتم أن يجوز لبس الباروكة ولا

يشترط لبس الحجاب

علي الباروكة لانها لست

   “واصلة” .. هي ممكن تكون مش

واصلة لكن فتواكم وأصله

لنفوخي وهيفرقع منكم لله.

تيمور السبكي

*****

لما نسبة الخيانة في الصعيد 45%

 أمال في القاهرة والإسكندرية

كام ده أحنا بقينا قوم لوط بقي الله يفضحك.

سامح عاشور

********

بتقول للمحاميات بلاش ارتداء ملابس

ضيقة أو قصيرة وأنا بقولك عايزهم يبقوا

غفر برة المحكمة مش كفاية

جوه المحكمة يا مفتري؟..

ملك السعودية

********

بتعمل مناورات مع تركيا علي الحدود

مع سوريا طيب أعملها علي الحدود

مع اليمن غطي خيبتك في اليمن

الأول وبعدين نشوف سوريا.

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.