الأحد , سبتمبر 15 2019
الرئيسية / مقالات واراء / حملة حقى سيارة بدون جمارك .. وحاجة تحرق الدم .

حملة حقى سيارة بدون جمارك .. وحاجة تحرق الدم .

بقلم : محمد الفرماوى
انا كنت قررت مشغلش دماغي بأي حاجة تحرق دمي سواء سياسة او اي حاجة بس شدني الموضوع ده
المصريين في الخارج حقيقي طالع عين اللي خلفوهم
موفرين علي الدولة ملايين الملايين بجانب انهم موفرين علي الدولة وظائف وشقق سكنية كتيرة جدا جدا

المهم المصريين اللي محدش حاسس بيهم دول اللي كل الناس فاكراهم قاعدين بيلموا ف فلوس بس وهما طالع ميتين اللي خلفوهم كان ليهم طلب واحد وبسيط مش قصة يعني
قالوا احنا بنوفر علي الدولة ملايين كل سنة من حقنا سيارة واحنا نازلين من الغربة بدون جمارك او ضرائب لا وكمان نظموها مثلا ان اللي متغرب بقاله ٣ سنين يتخصم عليه نسبة معينة والخمس سنين تبقي نسبة الخصم اكبر لحد عشر سنين ويبقي معفي تماما من الجمارك والضرايب
يعني كمان ادولهم حل علشان لو حد فكر يلعب
اللي عايز سيارة يفتح بيها مشروع اللي عايز سيارة بدل سيارته ماتتباع بتراب الفلوس وهو نازل مصر او بعد الغربة نفسه يروق نفسه بسيارة
الدولة بدأت تستجيب والحمد لله ،، عملت ايه بقي الدولة !!!
الناس اللي نازلة بعربيتها الفترة اللي فاتت والمفروض هتدفع جمارك وضرايب كمان عملوا معاهم ايه
حجزوا سيارتهم وقالولهم قدامكوا ٣ حلول

أول حل
انك تخلي السيارة جمرك لمدة ٣ شهور وبعدين تخرجها تاني ( طبعا هدفع عليها فلوس )

تاني حل
انك تلف وترجع بيها تاني مش هتدخل البلد

ثالث حل
انك تسيبها ف الجمرك وتسيب ورقها وتدفع ١٠٠ الف جنيه تامين في حسابك
ولو الجمرك بتاع العربية ١٠٠ الف جنيه يبقي
هتسيب في حسابك ٢٠٠ الف جنيه
لحد ما الورق يروح وزارة التجارة بدوره يروح لوزارة الخارجية ووزارة الخارجية تبعته السعودية تتأكد انك انت المالك الاول للسيارة مش مشتريها من حد هناك
طيب ياعم ليه كل ده ، قالك السعودية هي اللي طلبت كده
طب وهتخلص الليلة دي امتي .. منعرفش ممكن شهر اتنين تلاتة سنة اتنين تلاتة
ولو انت مش المالك الاأول الفلوس هتروح عليك اللي هما ٢٠٠ الف والسيارة مش هتشوفها تاني
يعني اسيب ٢٠٠ الف علي الاقل وسيارة علشان تتاكدوا انا مشتريها من التوكيل الخاص بالسيارة ؟؟
، ياعم ازاي .. يقولك السعودية اللي قالت
ياعم السعودية لو مش عايزة تخرج العربية مش هتخرجها ولو عايزة تتاأكد من موضوع المالك الأول هتتاكد بسهولة معندهم روتين زي مصر
الدولة بس علشان تسكت المصريين اللي فى الخارج وتسرقهم فى العربيات الزبالة اللي بتتباع فى مصر كان لازم تعمل كده
#‏حقي_سيارة_بدون_جمارك_او_ضرائب

 الصفحة الرسمية للحملة على الفيس بوك  أضغط هنا للأشتراك 

شاهد أيضاً

نوفرى شاى

منذ عدة سنوات كان لي حديث مع سفير مصري سابق لكندا عن اضطهاد الأقباط في …