جريدة الأهرام الجديد الكندية 
مقالات مشابهة
أمل فرج
“كنت ماشية فى الشارع وفوجئت بشباب بيطلعوا الموبايلات وبيصوروا ضهري أنا وصاحبتي وبيصور رجلي.. فضلت أمشي بسرعة وروحت عند صاحب محل استخبى هناك وأكلم أهلي علشان حد يجي ينقذني.. لقيت الشباب واقفين عند المحل وبيقولوا ألفاظ وحشة.. الناس كتير اتلمت، وراح صاحب المحل طردني علشان ميحصلش مشكلة”.. بهذه الكلمات بدأت الفتاة العشرينية طالبة جامعة المنصورة التى تعرضت للتحرش الجماعى فى شارع الجمهورية بالمنصورة، حديثها عن الواقعة أثناء مناقشتها أمام ضباط المباحث.
وأضافت الفتاة قائلة: “لما خرجت من المحل الشباب اتجمعت وناس كتير جت ومسكوا إيدي وقطعوا هدومي، وحصل مشادات بين الشباب اللي بيصورني والمارة، لحد ما لقيت حد جه أخدني فى عربيته.. والحمد لله قدر يطلعني من وسط الناس ديه”.
وتابعت الفتاة: “أنا روحت ماكنتش قادرة أتكلم.. وكنت خايفة ومش عارفة أعمل إيه لحد ما لقيت الفيديوهات على الفيس بوك.. والمباحث جت ليا عند البيت.. عرفت إن الموضوع اتعرف”.
