جريدة الأهرام الجديد الكندية
مقالات مشابهة
صديقى انت محتاج تفهم شوية مبادئ كده علشان تفهم ابعاد قضية الطلاق المسيحي.
١- الأسرة فى المسيحية هى المكون الاساسى للمجتمع و لها الاولوية القصوى فى الحفاظ عليها ، فكل ما كان فيه فرصة للحفاظ على كيان الأسرة كان واجب على اللى بيتدخل سواء الاهل أو الكنيسة الابتعاد عن ما يفرق
و يدمر الكيان ده لان ده كيان مقدس و مفيش عملية بيتم فيها الاشتراك مع الله فى عمل بقدر اشتراك
الاسرة “زوج/زوجة” فى عملية خلق النفوس الجديدة و عشان كده الاسرة شئ مقدس جدا فى المسيحية.
٢- لما المسيح بنفسه اتكلم عن الطلاق فى المسيحية قال لليهود ان موسى وضع لكم الطلاق لاجل قساوة قلوبكم
وكمل و قال لأنه هكذا منذ البدء خلقهم “ذكر و انثى” يعنى التعدد و الطلاق هو ارتداد عن الطبيعة الالهية
بسبب قساوة قلب الانسان.
٣ـ لما الكنيسة بتربط الطلاق بسبب واحد وحيد هو الزنا فده مرجعه كتابى بحت و ان كانت الكنيسة نفسها
بتتوسع فى “التعريفات” الخاصة بالزيجة زى “الزنا – العقد ـ البطلان و غيره” مش للاحتيال على النص انما لضبط التعريف بدقة.
٤- مفاهيم بعض الافراد الخاطئة “صليبك و شيله” و غيرها من الكلاشيهات اللى فيها استسهال
و استهانة بالناس و تهرب من الدور المركزى الداعم بالضرورة للضحية و المجنى عليه
والطرف الاضعف “ممكن الطرف الاضعف يكون الراجل على فكرة” و غسيل لليد من اثار اجتماعية كارثية.
طيب لما من وقت للتانى نسمع عن حادثة زى ان طرف انهى حياة طرف اخر لازم نحط الامور فى اطارها
ونطلب من الكنيسة مساحات اكبر لخدمة حالات اكتر و هيكلة قوية تستوعب اى عدد من الحالات
وبروتوكلات و تدريبات لحماية الطرف الاضعف و ان اضطرت الكنيسة الاستعانة بمؤسسات الدولة الامنية
و القضائية للتدخل.
طب ليه دى مش قضية النسويات المهابيش ؟
١- قضية النسويات المهابيش هى الصريخ و الهجوم على اى مؤسسة دينية فاغلب الحركة النسوية فى مصر
و بين النسويات المسيحيات قائمة على مشاكلهم النفسية مع فكرة الدين أو اللى ربنا هاديها شوية عندها مشكلة
مع المؤسسة الدينية فدول شوية مرضى نفسيين الله يعينهم على شيشتهم.
٢- الحركة النسوية حركة علمانية دورها تخاطب الدولة و تطالب بقانون مدنى للزواج
و ده استحالة النسويات يطالبوا به فهيكتفوا بتفريغ الكبت فى النقطة رقم ١
.٣- الحركة النسوية فى مصر فى اغلبها حركة اتليهية “من الاتيليه” بتهتم اكتر بالفساتين و المايوهات
و تحديف الطوب على المؤسسات الدينية و تفريغ الكبت بالتحرر ، فهيشتمونا لاننا بننتقد عته
وعبث تحركاتهم و مش هيعملوا حاجة.ا
ما افضل علاج للنسويات هى اننا نسيبهم و نخلى القافلة تسير نحو قانون احوال شخصية
أكثر اتساق مع الشريعة المسيحية و اكثر فهم للنص و اكثر رحمة بالاطراف الاضعف.
