جريدة الأهرام الجديد الكندية
مقالات مشابهة
جيهان ثابت
المذيع: مساء الخير أعزائي المشاهدين، النهاردة معانا خبر عاجل… سد النهضة على وشك الانهيار!
المهندس: مساء النور… ثانية واحدة، إنت بتقول ده للمرة الكام النهاردة؟
المذيع: لا يا باشمهندس، المرة دي بجد! صور الأقمار الصناعية أكدت.
المهندس: صور إيه ؟ دي صورة من جوجل إيرث لسد في البرازيل!
المذيع: المهم… عندنا خبير قال إن السد فيه شرخ كبير.
المهندس: الشرخ ده ظل غيمة، يا فندم.
المذيع: طيب بس إحنا سمعنا إن إثيوبيا ما بتعملش صيانة.
المهندس: حتى لو، السد معمول على صخور جرانيت، مش كيس فشار هيولع لو سبته على النار.
المذيع: بس في احتمال ينهار بنسبة مليون في المية!
المهندس: النسبة دي حضرتك اخترعتها ولا جتلك وحي؟ الدراسات العلمية بتقول الاحتمال أقل من 1% في السنة.
المذيع: طب والعالم بيقول إيه؟
المهندس: العالم بيقول اتفقوا على إدارة النهر، مش اقعدوا تستنوا السد يقع.
المذيع: يعني مفيش فيلم أكشن؟
المهندس: للأسف، لا. لكن ممكن تعمل فيلم اسمه: “المفاوضات – الجزء الأول”… هيبقى أطول من مسلسل باب الحارة.
