جريدة الأهرام الجديد الكندية
مقالات مشابهة
رامي كامل
تطورات خطيرة فى سوريا وبقول خطيرة لانها ستهز المنطقة بسبب غباء الارهابى الجولانى ومحدش يقولك احمد الشرع ده اسمه الارهابى ابو محمد الجولانى.
حصل اتفاق مع الجولانى على انسحاب القوات الكردية من مناطق محددة وبالفعل بدأت القوات الكردية تنسحب
وفجأة خان الجولانى الاتفاقات و راح حاصر بقايا القوات اللى لسه منسحبتش
وكان المفروض تنسحب اخر كام يوم علشان يعمل نصر وهمى على قوات كل دعمها انسحب حسب الاتفاق.
خيانة الجولانى امتدت للهجوم على بيوت الاكراد فى المناطق اللى فيها اكراد وعرب فطال الأذى والخيانة المدنيين.
حصل من كام ساعة لقاء تفاوض بين الجولانى “خاين العهد” ومظلوم عبدى لمدة ٥ ساعات
قدم خلالها مظلوم عبدى سيناريوهات كتير للتعامل مع دولة الامر الواقع “دولة الجولانى
وارهابيينه” لكن الجولانى مصمم على الحرب.
قبلها بساعات كان الجولانى بيهاجم السجون اللى الاكراد وقوات التحالف حاجزين فيها الدواعش
علشان يحررهم و ده حصل فى سجن الشدادى علشان يفتح جبهتين على الاكراد جبهة الجولانى و جبهة داعش.
حصل نفير عام للاكراد واللى عمله الجولانى دوب الخلافات والتباينات بين اكراد تركيا والعراق وسوريا
والمتطوعين الاكراد كسروا حاجز نصيبين الحدودى علشان يوصلوا للقامشلى
وكسروه فعلا زى كا انت شايف فى الفيديو.
الاكراد بيجهزوا علشان يخوضوا معركة ضد الارهاب و الارهابيين المدعوميين من تركيا والسعودية
ضد الاقلية الكردية.
الاكراد بيخوضوا المعركة نيابة عن المنطقة كلها لأن نجاحه فى عمل دولة الارهاب فى سوريا
هو نجاح لنموذج دولة الارهاب واضطهاد الأقليات.
عيونكم على سوريا لان السيناريو اللى بيتنفذ هناك جحيم.
