الجمعة , مارس 29 2024
أمجد محمد غانم

حقى سيارة بدون جمارك ..وتعالى أقولك مين المغفل .

بقلم : أمجد محمد غانم
المغفل اللى بيطالب بأن الربح داخل مصر يكون نسبه وتناسب .. مش شفط دم
شوف بقه واعرف مين مغفل
بتشترى عربيه جوه مصر تمنها 150 الف جنيه وهى سعرها فى بلدها لا يتجاوز 24 الف جنيه
انت بقه يا عم العبقرى بانك تشترى العربيه دى ….. الدوله ورجال الاعمال بيكسبو منك خمس اضعاف
وتيجى انت يا حزين تقول ….انا باخد دعم وقود
وانت اساسا دافع دعم الوقود ده مدى الحياه مقدما … بس اياك انت تعيش..

الكلام ده فى حركة شراء واحده ( بمعنى )
انت بتشترى العربيه بى 150 الف … وطبعا بتيجى تبيعها تخسر فيها ما لايقل عن عشرين ثلاثين الف جنيه
عشان تروح تشترى عربيه تانيه .. وتدفع الفرق وتتسكع مره تانيه على قفاك … وتدفع فروقات تانيه وثالثه ورابعه .. وطول ما الثور بيحلب ( انت بتقول للحكومه احلبو كمان … عاوزها ناشفه )
طيب بلاش العربيات
عارف سعر التوك توك فى الهند كم
بما يعادل 2000 جنيه
ضيف عليه بنقله بسلطاته بابا غنوجه … 5000 جنيه
واول ما يدخل ارض الوطن بقدرة قادر بيوصل 20 الف جنيه
وانت بردو بتيجى تقولى دعم بنزين هههههه
( لما انا بقه ادخلك عربيه ) معفاه ويتفك حظرها بخمس سنين
هتركب عربيه كيا سيراتو
بسعرها اللى مخصوم منها الاستخدام
يعنى بما يوازى 50 الف جنيه لو بحالتها ( اللى هو تمنها فى الخليج مضاف عليها جمرك دخولها الخليج ) عشان محدش يقول انت قلت سعرها 24 الف
سعرها فى بلد الصنع مش بلد مستورده ليها
……………………………………..
وهبيعهالك وانا مش خسران وهتشتريها منى وانت مش خسران
هوفر لك فلوس وهتوفر عليا تعب
واللى هييجى يقولك خد عربيتى وادفع لى 200 الف جنيه محدش اصلا هيبص له لانك هتشتريها بربع تمنها منى
عرفت بقه مين مغفل
‫#‏حقي_سيارة_بدون_جمارك_أو_ضرائب‬
وبدل ما ابيع العربيه هنا للغريب بخساره رهيبه ….. لا ابيعها لابن بلدى …  بخساره بسيطه واكسبه بدل ما رجال الاعمال تشفطه

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …